Nau mai ki te TOA HOKO o DEMEA

Tena koe! Nga mihi ki a koe, mōu i tau mai ki tenei kainga e pupuri ai etahi o nga taonga o DEMEA. Ko Demea he pakihi Māori, reo Māori, whānau Māori, e hora ana i taonga ma tēna ma tēna o tatou e ngakaunui ana ki te tautoko i to tātou iwi Māori kia puawai i tēnei ao turoa!

NAU MAI MATARIKI!!!

He tīhāte hou, mo tenei wa whakanui i te Matahi o te tau, nau mai ra e te tohu o te tau hou, NAU MAI MATARIKI

NO KONEI AU

HAERE ATU KI TE PAE TUKUTUKU HOU: NOAU TOA

Ki reira hoko ai i enei Kakahu papai!

ĀRAI KANOHI 'KŌRERO MĀORI MAI'

  • Nga poraka e 3

    NGA PORAKA HOUHei te 5pm o te Paraire 10/09/21 puta ai ngā poraka nei ki te toa ipurangi o Demea. E toru ngā momo;

    Tuatahi ko ‘KAHITUA’ e amohia ake ana i te ingoa o te pakihi nei ki nga aumoana o te anamata.

    Ka rua ko ‘PINGAO’ me tōna tae kitakita e noho motuhake ai, e noho REREKĒ ai koe i ōu hoa.

    Ka mutu ko ‘TAIROTO’, koia e whakaāio pīpī ana i ngā moana karekare, kia tau te matangi, kia tau he marino ki a koe, ki a tātou.

    Katoa o ēnei pueru kua whatua katoatia ki te kātene (100% Cotton) me te mea hoki he matatengi (400gsm thick), ka mau ana koe ka rongo i tona mahana, i tona kounga.Whakarite kia rite!

  • No hea te ingoa o Demea?

    Kua kaha pātai mai etahi o koutou; No hea te ingoa? He aha te tikanga o te kupu ‘DEMEA’?Anei: I ahu mai te whakaaro mo tenei ingoa i nga moutere o Hawaii. I ahau i reira i kaha rongo au i tētahi kupu e karawhiuwhiuhia ana i te takiwa, me taku whakamīharo ki ōna whakamahinga, ki tōna taiea, ki te Māori o tōna rere. Ko ‘Dakine’ te kupu ra #ktmktm

    Hoki rawa mai au ki te kainga, ka mahara ake ‘he aha pea tōna ritenga ki te reo Māori?’. Ka maumahara pū ki tētahi kīanga i kaha puta i aku whaea ko ‘te mea’… “tikina te mea mai te mea ka meatia ki runga i te mea ra!”

    Ka tikina ko TE MEAka whakapiri kia pai tōna rere TEMEAka panoni kia motuhake, kia mūrere, kia ngawari te makere mai i nga ngutu, na wai ka hua ko ‘DEMEA’E kokoia demea nui demea pai. Ktk